Ölkəmizdə səfərdə olan Ümumdünya Əqli Mülkiyyət Təşkilatının (ÜƏMT) Baş direktorunun müavini Hasan Kleybin başçılıq etdiyi nümayəndə heyəti Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ASAN Xidmət mərkəzində olub.

Dövlət Agentliyinin sədri Ulvi Mehdiyev Mərkəzin fəaliyyəti haqqında məlumat verib, bir neçə gün öncə Cenevrəyə səfəri çərçivəsində ÜƏMT-nın Baş Direktoru Daren Tanq ilə görüşünü məmnuniyyətlə xatırladıb.

Qonaqlar ASAN Xidmət mərkəzinin, Bilim Bakı mərkəzinin, INNOLAND Incubation & Acceleration Center, ASAN İnnovativ İnkişaf Mərkəzinin və "ABAD"ın fəaliyyəti ilə yaxından tanış olublar.