Respublikamızda səfərdə olan Ümumdünya Əqli Mülkiyyət Təşkilatının baş direktorunun müavini Hasan Kleybin başçılıq etdiyi nümayəndə heyəti və Azərbaycan Respublikası Əqli Mülkiyyət Agentliyinin rəhbərliyi Fəxri Xiyabana gələrək xalqımızın dahi oğlu Heydər Əliyevin məzarını ziyarət edib, əziz xatirəsinə ehtiramlarını bildiriblər. Məzarı üzərinə əklil qoyulub. Ulu öndər Heydər Əliyevin ömür-gün yoldaşı akademik Zərifə Əliyevanın, ictimai-siyasi xadimlər Əziz Əliyevinvə Tamerlan Əliyevin də xatirəsi ehtiramla yad edilib.